Rashica: I bëmë gjërat si duhet, shpresoj të vazhdojmë kështu

Milot Rashica ishte një nga më të mirët për Kosovën në suksesin prej 3-2 ndaj Irlandës së Veriut, duke fituar penalltinë dhe duke asistuar golin e dytë të Bytyqit.

Anësori i Dardanëve pas fitores në “Fadil Vokrri” ndau menjëherë emocionet për mikrofonin e SuperSport.

“Ishim më të sigurt dhe me më shumë vetëbesim në aksione, ndaj kjo na ndihmoi për të shënuar dhe për të vënë në vështirësi kundërshtarin”.

“Si unë, edhe Bytyqi u sakrifikuam jo pak, pasi në futboll duhet që të gjithë të japin maksimumin, si mënyra e vetme për të marrë rezultat pozitiv”.

“Sot (e enjte) i bëmë gjërat si duhet dhe shpresoj të vazhdojmë kështu”, ka deklaruar Rashica.