Zyrtarët vitias kërkojnë kujdes dhe tretman të duhur ndaj mërgimtarëve

Viti – Ekipi Veprues për Siguri në bashkësi, ka mbajtur dje në Viti mbledhjen e rregullt, me që rast ka vlerësuar gjendjen e sigurisë në komunën e Vitisë, si dhe ka diskutuar hapat e mëtutjeshëm që duhet të ndërmarrë ky ekip.

Gjendja e sigurisë u vlerësua pozitive, e qetë dhe stabile duke çmuar bashkëpunimin me të gjitha instancat, si dhe me qytetarët.

Në këtë mbledhje të EVSB-së anëtarët shtruan disa çështje të cilat kërkojnë përkushtim sidomos gjatë stinës së verës si: shtimi i kujdesit nga policia duke pasur parasysh fluksin e shumtë nga mërgimtarët, Inspeksioni i veterinës dhe ushqimit t`i kontrolloj ushqimet nëpër restorante dhe shitoret ushqimore si dhe të shpërndahen poster vetëdijësues kundër zjarreve./rajonipress/