Era e fuqishme shkakton dëme në Pasjak

Gjilan – Të premtën pak para mbrëmjes fshatin Pasjak me rrethinë e ka goditur një erë e fuqishme e cila si pasojë shkaktoi dëme të konsiderueshme te qytetarët e këtij lokaliteti. Bajrush Ymeri nënkryetar i Artanës ishte i pari në vendin e ngjarjes.

“Dolëm së bashku me zavendëskryesuesin e kuvendit z.Xhevat Mehmetin si dhe Drejtorin e njësisë së Eko – Higjienës në Novobërdë z.Naser Xhigoli.

Meqë ishte shumë vonë nuk kishim mundësi t`i vizitonim të gjithë, por ata që i vizituam nga afër e pamë se ju ishin shkaktuar dëme të mëdha.

Fatkeqësitë natyrore ndodhin në gjithë botën e të rralla janë që ndodhin edhe te ne, por ne jemi të lumtur që nuk ka asnjë viktimë në njerëz sepse lehtë ka mund të ndodhë.

Të gjithë ata që sot kanë pas dëme materiale ju them atë që e thotë populli në këso raste, “Jau marrshin të ligat” e ne si institucion në ditët në vazhdim do të dalim në vendin e ngjarjes për të bërë vlerësimin e dëmeve me shpresë që të kemi mbështetjen e Qeverisë për t`i ndihmuar qytetarët tanë” ka thënë Ymeri./rajonipress/