Haziri ngushëllon familjen e Tomë Hajdarajt

Gjilan – Me rastin e ndarjes nga jeta të ish-zëvendësministrit Tomë Hajdaraj, kryetari i Komunës së Gjilanit, Lutfi Haziri, i ka dërguar një telegram ngushëllimi familjes së tij.

Në telegram thuhet: “E nderuara familja Hajdaraj,
Me dhembje të madhe mora lajmin për ndarjen nga jeta të familjarit tuaj dhe mikut tim, Tomë Hajdaraj.

Njohja ime me Tomën daton që prej para luftës fundit dhe ajo që dua ta them është se e kam njohur si njeri të fjalës, atdhetar të madh e punëtor të madh e veprimtar të madh.

Toma shkoi nga kjo botë para kohe, por do të mbahen në mend përgjithmonë për kontributin e tij në themelimin e institucioneve kosovare, si ish-deputet në legjislaturën e parë pas themelimit të institucioneve, sikurse edhe si ish-zëvendësministër i Bujqësisë.

Në emër të të gjitha institucioneve lokale dhe në emrin tim personal, ju shpreh ngushëllimet e mia më të sinqerta. Zoti ua lehtësoftë dhembjen!”, thuhet në telegram./rajonipress/