Rashiti: Kompanitë e Gjilanit janë serioze, por qeverisja e Lutës është e korruptuar

Gjilan – Cilësimi i Lutfi Hazirit se kompanitë e Gjilanit janë jo serioze në realizimin e projekteve, është ofendim i rëndë për të gjithë afaristët Gjilanas, të cilat vetëm gjatë fushatave elektorale Luta i sheh bizneset e Gjilanit si të suksesshme dhe të dobishme ka thënë Riad Rashiti.

Rashiti ka thënë se bizneset e Gjilanit jo vetëm që janë serioze, por ato janë të ndershme e punëtore, që kanë traditë të gjatë në afarizmin e tyre, janë kontribut dhënësit më të mëdhenj në buxhetin e Kosovës dhe të komunës thotë Riad Rashiti këshilltar i PDK-së.

Korrupsioni i qeverisjes së Lutfi Hazirit është problemi kryesor, me të cilën po përballen kompanitë e Gjilanit, të cilat nuk po mund të marrin tenderë në komunë pa dhënë mijëra euro ryshfet. Ndërsa me kompanitë e huaja po bëjnë lehtë pazar dhe lehtë po e marrin ryshfetin nga to, bosët e Lutës të cilët tani të gjithë po vozitin xhipa të zi.

Korrupsioni është shkaktar i vetëm për cilësi të dobët në ekzekutimin e projekteve në infrastrukturë, sepse kur je i korruptuar sikur qeverisja e Lutës, nuk mund ta mbikëqyrësh dhe të kërkosh cilësi të projekteve.

Ne në qeverisjen tonë të PDK-së jemi akuzuar nga Lutfi Haziri se po paguani komisione profesionale për mbikëqyrje të projekteve, ndërsa tani Luta nuk po i paguan ato sikur më parë, sepse janë thellë të korruptuar nga kompanitë e jabanxhinjve dhe është pengesë mbikëqyrja profesionale e projekteve.

Lutfi Haziri ka fituar shumë vota duke mashtruar dhe gënjyer bizneset dhe qytetarët e Gjilanit, duke u thirrur në “Patriotizmin” e tij të rrejshëm, se jabanxhinjtë nuk do të marrin tenderë në komunë, ndërsa për këto dy vite e gjysmë kompanitë e jabanxhinjve kanë marr 41 tenderë në Gjilan në vlerë prej mbi 2.6 milion euro ka thënë në reagimin e tij Riad Rashiti këshilltar i PDK-së./rajonipress/