Pajaziti: PDK do të jetë gjithmonë pranë familjeve të dëshmorëve

Gjilan – Në kuadër të aktiviteteve të shënimit të Ditës së Çlirimit të Gjilanit, kryetari i Degës Zenun Pajaziti i bëri vizitë nënës së dëshmorit Bashkim Selishta – Petriti.

“Jo vetëm në këtë ditë që është e rëndësishme, por edhe me simbolikë për ne, por çdo ditë dhe përherë ne shprehim nderimin dhe mirënjohjen për të gjitha familjet e dëshmorëve që dhanë më të shtrenjtit e tyre për këto ditë që ne sot i gëzojmë në liri. Familjet e dëshmorëve meritojnë respektin dhe përkushtimin tonë të përhershëm për t’iu ndodhur pranë jo vetëm në ditët e shënuara, por edhe atëherë kur ato kanë nevojë, prandaj Partia Demokratike e Kosovës do të jetë gjithmonë pranë familjeve të dëshmorëve, edhe me vizita në data të veçanta, sepse përpos përkujtimit në këto familje ne gjejmë dhe marrim forcë për vazhdimin e realizimit të aspiratave të dëshmorëve”, ka thënë me këtë rast Pajaziti./rajonipress/