Në Beguncë fillojnë punimet parapërgatitore për asfaltimin e rrugës “Toplana”

Viti – Në kuadër të projekteve të shumta infrastrukturore që janë duke u realizuar në komunën e Vitisë, dje në fshatin Beguncë kanë filluar punimet parapërgatitore për asfaltimit të rrugës “Toplana”.

Me rastin e filmit të punimeve, kryetari i komunës së Vitisë, Sokol Haliti i shoqëruar nga kryesuesi i kuvendit komunal, Naim Pira kanë inspektuar dje punimet që janë duke u zhvilluar.

Kryetari Haliti u prit nga banorët e lagjes ”Toplana, Zekaj dhe Demoshaj” të cilët e falënderuan atë për investimet që janë duke e bërë në këtë rrugë.

Nazim Mehmeti nga fshati Beguncë e Vitisë, falënderoj kryetarin Haliti për këtë projekt dhe u shpreh asfaltimi i kësaj rruge është shumë i rëndësishëm pasi që sipas tij kjo rrugë më parë ka qenë ndër rrugët kryesore të këtij fshati. “Falënderojë kryetarin e Komunës së Vitisë, z. Sokol Haliti për investimet që janë duke e bërë në këtë rrugë, me të vërtetë kjo rrugë është shumë e rëndësishme për ne, unë sa e mbaj mend kjo rrugë është ndër rrugët më të vjetra në fshatin tonë dhe më parë është thënë se ajo ka qenë rrugë kryesore e fshatit, gjithashtu kjo rrugë lidhë edhe banorë të lagjeve të ndryshme mes veti si dhe të qon në afërsi të varrezave kryesore të fshatit“ u shpreh Mehmeti./rajonipress/