Me një akademi përkujtimore nderohet veprimtari Sabit Rrudhani nga Rogana

Kamenicë – Nën patronatin e kryetarit të Komunës z.Begzad Sinani sot në 5 vjetorin e vdekjes Sabit Rrudhanit është mbajt akademia përkujtimore në shenjë nderimi për punën dhe kontributin e tij.

Sinani duke folur para pjesëmarrësve tha se në emër të institucioneve dhe qytetarëve të Komunës së Kamenicës shpreh mirënjohjen dhe respektin për kontributin e dhënë nga Sabit Rrudhani i cili kishte guximin, vullnetin, dëshirën që t`i përgjigjej sfidave dhe nevojave të cilat ia kërkonte interesi kombëtarë dhe shtetërorë. “Ne përkundër vështirësive dhe sfidave po ecim, po ndërtojmë, po krijojmë, avancojmë dhe po forcojmë institucionet e shtetit të Kosovës ashtu siç e ëndërruan dhe e dëshiruan dëshmorët e kombit”.

Fjalë rasti patën edhe bashkëveprimtarët e tij kryesuesi i Kuvendit Komunal Bajram Dërmaku, Bajram Kryeziu, Isa Kryeziu dhe Bajram Kallaba.

Në këtë akademi morën pjesë krerët e institucioneve komunale, drejtorë, delegat, lider të partive politike, profesorë, bashkëveprimtarë, veteran të UÇK-së dhe qytetarë të shumtë.

Në fund të akademisë përkujtimore u zbulua pllaka përkujtimore dhe u vendosën kurora lulesh nga familja e veprimtarit, institucionet komunale, bashkësia lokale dhe qytetarë të Roganës./rajonipress/