Asfaltohet rruga“ Gjelbina” në Sllatinë të Poshtme, rehabilitohen edhe rrugët e dëmtuara

Viti – Në fshatin Sllatinë të Poshtme të Komunës së Vitisë, ka filluar sot Asfaltimi i rrugës “Gjelbina”.

Me këtë rast Kryetari i Komunës së Vitisë, Sokol Haliti me bashkëpunëtor kanë inspektuar punimet që po zhvillohen në asfaltimin e kësaj rruge, ku u pritën nga banorët e këtij lokaliteti që u shprehën të kënaqur me investimin që kjo komunë po bënë në infrastrukturën rrugore të këtij fshati.

Rashit Frangu, nga Sllatina e Poshtme ndër tjerash tha se kjo rrugë është e rëndësishme pasi që në këtë pjesë gravitojnë mbi 25 shtëpi por potenco se me asfaltimin e saj nxënësit e kanë më afër shkollën e fshatit dhe nuk duhet të sillën rreth e rrotull për të arritur në shkollë.

Gjithashtu ka filluar rehabilitimi i rrugëve të dëmtuara. Kanë nisur punimet në rehabilitimin e rrugëve të dëmtuara të komunës së Vitisë.

Drejtori i Shërbimeve Publike në Viti Nexhmedin Jakupi ka theksuar se sot po punohet në rehabilitimi i rrugës Pozheran-Viti, si dhe do të vazhdojë edhe me rrugën “Lidhja e Prizrenit”, rrugën Viti-Debellde, si dhe rrugët tjera të dëmtuara ku kërkohet të intervenohet./rajonipress/