Përfitimet shëndetësore të shafranit të Indisë

Erëza e shafranit të Indisë është pluhuri i artë që vlerësohet për përfitimet e tij anti-inflamatore.

Çfarë është shafran i Indisë?

Kjo erëz e artë vjen nga bima ‘curcuma longa’, e cila është vendase në Azinë Jugore. Erëza vjen nga pjesa e ngjashme me rrënjën që rritet nën tokë, e quajtur rizomë. Rizomat zihen dhe thahen për të bërë pluhur shafrani të Indisë, i cili shitet veçmas.

Një lugë çaji pluhur shafran i Indisë përmban vetëm nëntë kalori, por erëza e artë është me të vërtetë e mirë për shkak të molekulave të saj anti-inflamatore, përfshirë një të quajtur kurkumin. Pluhuri i shafran i Indisë është rreth 3.14 për qind kurkumin, sugjeron një studim i botuar në Nutrition and Cancer, shkruan Self.

“Shafrani i Indisë dhe kurkumina, përbërësi më aktiv i erëzave, kanë qenë objekt i mijëra studimeve,” thotë Maribeth Evezich, një dietologe me seli në New York. Ky hulumtim tregon se kurkumina ka veti të fuqishme antioksiduese, anti-inflamatore, aktivitete antivirale dhe antibakteriale”.

Kurkumina mund të ketë gjithashtu efekte të pastrimit të arterieve. Në një studim, njerëzit që konsumuan ekstrakte të kurkuminës çdo ditë ulën ndjeshëm nivelet e tyre të kolesterolit të keq në vetëm 12 javë. /Telegrafi/