Haziri priti kryetarin e shoqatës “Miqtë e Amerikës”, Agim Rexhepi

Gjilan – Kryetari i Komunës së Gjilanit, Lutfi Haziri, ka pritur sot në takim kryetarin e shoqatës “Miqtë e Amerikës”, Agim Rexhepi.

Rexhepi e ka informuar kryetarin Haziri për aktivitetet e kësaj shoqate, ndërkaq u dakorduan që këtë vit, të mbahet manifestimi qendror me rastin e 15-vjetorit të sulmeve terroriste në kullat binjake, i cili do të mbahet më 11 shtator në Gjilan, nën përkujdesjen e kryetarit të Komunës.

Nga ana e tij, kryetari Haziri e ka falënderuar z. Rexhepi për vizitën, ndërkaq ka shprehur gatishmërinë që ta nënshkruaj edhe memorandumin e mirëkuptimit gjatë javëve në vijim me këtë shoqatë, përkitazi me shënimin e 15-vjetorit të sulmeve në kullat binjake./rajonipress/