Vitia bëhet më Plan të Mobilitetit Urban

Viti – Komuna e Vitisë në bashkëpunim me projektin DEMOS, i cili zbatohet nga Helvetas –Swiss Intercooperation, kanë bërë sot promovimin e planit të mobilitetit urban për Komunën e Vitisë. Ky plan që është përgatitur me grupin punues dhe grupit koordinues dhe në mbështetje të konsultetëve profesional si dhe zyrtarëve të këtij projekti ka për qëllim përmirësimin e qasjes dhe lëvizjes së lirë të gjithë pjesëmarrësve në trafik.

Kryetari i Komunës së Vitisë, Sokol Haliti ka thënë se kjo komunë në bashkëpunim me projektin DEMOS kanë realizuar shumë projekte që janë në interes të përmirësimit të infrastrukturës si dhe të ngritjes së kapaciteteve për shërbimet sa më të mira për qytetarë. Ergan Munoglu, zëvendës menaxher i projektit DEMOS, ka thënë se Plani Mobilitetit pos që siguron qasje më të lehtë në trafik rrit edhe sigurinë e tyre si dhe ndihmon në zvogëlimin e ndotjes së ambientit.

Ndërkaq Hasan Aliu, zv. Kryetari i komunës së Vitisë, i cili ka udhëhequr edhe me Grupin Koordinues për hartimin e këtij plani ka thënë se plani i mobilitetit është hartuar në bazë të nevojave specifike të komitetit dhe si i tillë ky plan ka marrë parasysh edhe rritjen e efikasitetit në ekonomi, transportin e njerëzve dhe mallrave si dhe ndërtimin e një mjedisi urban.

Ai ka falënderuar të gjithë ata që kanë kontribuar në hartimin e këtij plani dhe është shprehur i bindur se ai do të zbatohet në praktikë. Ermira Salihu nga DEMOS, pasi ka përgëzuar komunën e Vitisë për punën e mirë në hartimin e këtij plani ka thënë se ky projekt ka vendosur të nderoj me mirënjohje të gjithë ata që kanë kontribuar në hartimin e Planit të Mobilitetit./rajonipress/