Hogoshtin e presin ditë të mira, Sinani premton projekte në rrugë, ujësjellës e kanalizim

Kamenicë – Begzad Sinani ka thënë se për fshatin Hogosht jemi në rrugë të mirë të realizimit të projekteve për ujësjellës, kanalizim dhe shtratit të lumit në fshat duke përmbushur kështu premtimet e dhëna dhe kërkesat e qytetarëve.

Është festuar dita e shkollës në Hogosht këtë vit më ndryshe se vitet e kaluara me përurimin e projektit të renovimit të shkollës.

Kryetari i Komunës z.Begzad Sinani me bashkëpunëtorë ka marrë pjesë ku ka bërë inaugurimin e projektit. “Ju uroj të gjithë nxënësve, mësimdhënësve ditën e shkollës suaj, ne po vazhdojmë të kryejmë projekte në fushën e arsimit me përmirësimin e kushteve për mësim do të vazhdojmë me projekte të tjera për fshatin Hogosht jemi në rrugë të mirë të realizimit të projekteve për ujësjellës, kanalizim dhe shtratit të lumit në fshat pra po përmbushim premtimet e dhëna dhe kërkesat e qytetarëve” ka nënvizuar Sinani.

Për historikun dhe rezultatet e shkollës paraqiti drejtori i kësaj shkolle, me një program nga nxënësit dhe ndarjen e mirënjohjeve për nxënësit e dalluar dhe mësimdhënësit është përmbyllur kjo datë e shënuar për këtë shkollë./rajonipress/