Haziri ofron bashkëpunim për Down Syndrome Kosova

Gjilan – Kryetari i Komunës së Gjilanit, Lutfi Haziri, ka pritur sot në takim një delegacion të organizatës Down Syndrome Kosova, në krye me drejtoreshën Sebahate Beqiri.

Na takim, zonja Beqiri ka kërkuar bashkëpunim nga ana e Komunës, për gjetjen e një lokacioni për të ushtruar veprimtarinë, pasi tha se aktualisht janë të vendosura në 5 komuna të Kosovës.

Nga ana e tij, kryetari Haziri i ka ofruar bashkëpunimin kësaj organizate lidhur me gjetjen e lokacionit për ta, në mënyrë që t’u dilet në ndihmë personave të kësaj kategorie të shoqërisë.

Në fund, përfaqësuesit e organizatës i kanë dhuruar disa dhurata të punuara nga fëmijët me sindromin Down./rajonipress/