LDK: Qeverisja komunale po i shkakton dëme të vazhdueshme buxhetit komunal

Kamenicë – Lidhja Demokratike e Kosovës Dega në Kamenicë vlerëson se qeverisja komunale e udhëhequr nga Begzad Sinani, po i shkakton dëme të vazhdueshme buxhetit komunal, duke mos e bërë as edhe një hap në realizimin e premtimeve parazgjedhore dhe plotësimin e nevojave të qytetarëve të saj thuhet në reagimin e LDK-së dega në Kamenicë.

Krejt me çka karakterizohet kjo qeverisje komunale është dëmtimi i buxhetit komunal përmes shpenzimeve të ndryshme dhe të paarsyeshme, e veçanërisht vazhdon lidhja e kontratave për shërbime të veçanta. Ku këto kontrata buxhetit të komunës i kanë kushtuar deri me tash mbi 150 mijë euro thuhet tutje në reagim.

Edhe pse shumë herë është kërkuar të bëhet publike lista e zyrtarëve me kontratë në vepër nuk bërë transparente, siç nuk është transparente as lista e përfitueseve të subvencione, ku ka dyshime që nga këto subvencione përfitojnë edhe ata të cilët nuk e meritojnë.

Auditori i përgjithshëm ka konstatuar se ka shkelje dhe është e kundërligjshme lidhja e kontratave për shërbime të veçanta, kjo është bërë trend dhe nuk ka të ndalur.

Andaj Dega e LDK-së nuk do të heshtë, pasi që kjo qeverisje nuk po tregohet transparente e vetmja rrugë mbetet që tu drejtohemi organeve të drejtësisë, që të vlerësohet dhe konstatohet dyshimi i ynë për dëmtim të buxhetit komunal dhe keqpërdorim të detyrës zyrtare.

Dhe gjithsesi se do t`i shfrytëzojmë rrugët ligjore edhe në të ardhmen në mbrojtje të interesave të qytetarëve të Kamenicës.

Kjo qeverisje edhe pas 2 viteve mandate nuk ka bërë as edhe një lëvizje në krijimin e mirëqenies së qytetarëve dhe atë në asnjë fushë të vetme thuhet në reagimin e Degës së LDK-së në Kamenicë./rajonipress/