Xhelili: Të mbështetet me donacione, sektori i rinisë gjilanase

Gjilan – Sektori i rinisë, në kuadër të Komunës së Gjilanit, ka vullnet të mirë për të punuar në mbështetjen e organizatave rinore. Komuna e Gjilanit, duhet ta ndihmoj sektorin e rinisë me subvencione, në mënyrë që, ai, të stimuloj organizatat rinore, pa ngjyrime partiake, klanore e grupore thotë Selver Xhelili.

“Ne kemi një rini vitale, të shëndosh dhe shembull për të mirë në shkallë vendi. Për ta zhvilluar, afirmuar dhe integruar në institucionet komunale dhe bizneset private, lypset angazhimi ynë i përbashkët. Në këtë drejtim, organizatave rinore, duhet ofruar programe të posaçme projektore në luftë kundër dukurive negative si: droga, duhani, alkooli, prostitucioni etj.”, shprehet Selver Xhelili, kryetar i Republikanëve të Kosovës, Dega për Gjilan.

Dëshira për mbështetjen e rinisë, thotë z. Xhelili, është e të gjithëve si nga pozita ashtu edhe nga opozita. Duke ndihmuar Sektorin e rinisë, ne kemi ndihmuar njërën nga kategoritë më të rëndësishme, nga e cila varet ardhmëria jonë. Oferta e republikanëve me projekte të ndryshme “Me art kundër drogës, duhanit, alkoolit” etj, do të ishin projekte, që do ta largonin rininë nga rrugët e këqija. “T’ju them të drejtën, unë këtë sektor e njoh mirë dhe e di gjendjen e tyre në detaje, por duhet të gjithë ne si shoqëri t’i ndihmojmë organizatat rinore, në çfarëdo forme qoftë. Në këtë sektor ka zyrtarë e njerëz të vullnetit të mirë, por vetëm duhet siguruar donacionet”, thekson z. Xhelili.

E falënderojmë zyrtarin e rinisë z. Bujar Hazirin, i cili ishte njëri ndër iniciatorët e parë për hartimin e një projekti milionësh, për ngritjen e Pallatit të Rinisë, një vepër madhore nga më modernet në rajon, i cili u realizua kur isha unë drejtor i kulturës, ndërsa Ministrisë i kulturës, Lutfi Haziri. “Me projekte të tilla Sektori i Rinisë, do të stimuloj organizatat rinore, të cilat janë shpresa e ardhmërisë sonë”, thekson Selver Xhelili, kryetar i Republikanëve të Kosovës, Dega për Gjilan./rajonipress/