Thaçi: Erdogan u zotua se Turqia do të jetë në shërbim të Kosovës për ta luftuar koronavirusin

Presidenti i Republikës së Kosovës Hashim Thaçi përmes një postimi në faqen zyrtare Facebook, ka njoftuar se sot ka zhvilluar një bisedë telefonike me presidentin e Turqisë, Recep Tayyp Erdogan.

Presidenti ka thënë se ka kërkuar nga presidenti Erdogan që t’i mbështes në mjete medicionale, logjistike dhe teknike për ta luftuar koronavirusin, transmeton Indeksonline.

Ky është postimi i Thaçit:

Sapo përfundova një bisedë telefonike me Presidentin e Turqisë, mikun tim dhe të popullit të Kosovës, Recep Tayyip Erdogan. Biseduam për marrëdhëniet bilaterale dhe për mundësitë e bashkëpunimit ndërmjet dy shteteve për tejkalimin e kësaj situate dhe luftimin e pandemisë COVID-19. Presidentit Erdogan i kërkova mbështetje medicionale, logjistike dhe teknike për ta luftuar në mënyrë më efektive këtë pandemi dhe për ta mbrojtur më mirë popullin e Kosovës. Presidenti Erdogan u zotua se gjithçka që Turqia ka në dispozicion do të jenë në shërbim edhe të popullit të Kosovës. Gjithmonë mirënjohës për mbështetjen e Presidentit Erdogan dhe popullit turk.