Kryeministri Mustafa ua mundësoi fitoren atyre që ‘luftojnë’ Kosovën

Mbajtja e zgjedhjeve serb në territorin e Kosovës nxiti reagime të shumta për shkak se vendi ynë po e ka të pamundur t’i ndalojë ato.

Kryeministri Isa Mustafa fillimisht këtë proces e quajti grumbullim votash, mirëpo nuk doli të jetë ashtu, pasi në vendin tonë u hapen qendra të votimit dhe ky proces nuk dallonte asgjë nga një proces i mirëfilltë zgjedhor.

Analisti Imer Mushkolaj konsideron se me lejimin këtyre zgjedhjeve, kryeministri Isa Mustafa ua bëri një shërbim ish-pionëve të Sllobodan Mollosheviq, raporton “zeri.info”.

“Mustafa ua mundësoi të mbajnë zgjedhje në Kosovë dhe të fitojnë atyre që nuk e njohin këtë shtet dhe e luftojnë me çdo kusht. Shërbim më të madh ish-pionëve të Milosheviqit, që kanë përgjegjësi për krimet e shkaktuara në ish-Jugosllavi, mund t’iu ketë bërë kush?! Qeveria e Kosovës dhe kryeministri treguan gjithë lojalitetin ndaj shtetit të Serbisë, në vend që të tregoheshin të vendosur në kundërshtim” ka thënë Mushkolaj.