Ish-Kryetari i FHK-së, Mexhit Devaja ngushëllon familjen Shkodra

Ish-kryetari i Federatës së Hendbollit të Kosovës, Mexhit Devaja, me rastin e ndarjes nga jeta të hendbollistit, trajnerit e ish-përzgjedhësit të Kosovës, Agim Shkodra, ka dërguar një telegram ngushëllimi për familjen Shkodra, komunitetit sportivë e FHK-së.

Në telegramin e ish-Kryetarit të FHK-së, z.Mexhit Devaja thuhet:

“E nderuar familja Shkodra, e nderuara FHK-së dhe hendbollist nga mbarë Kosova.
Me dhimbje dhe pikëllim të thellë sot mora lajmin për ndarjen nga jeta z.Agim Shkodra hendbollistit, trajnerit e ish-Përzgjedhësit të Kosovës, nuk ka dyshim që hendbolli Kosovar mbeti pa një sportist të madh i cili ishte i dalluar kudo që u paraqitë, ishte njeri i çmuar dhe i respektuar. Agimi dha një kontribut të madh në avancimin e hendbollit Gjilanas e atij Kosovar, ndarja e hershme nga jeta e Agimit ka lënë një zbrastesirë të madhe tek shumë gjenerata.

Në emrin tim personal i shprehi ngushëllimet më të sinqerta familjes së tij dhe Federatës së Hendbollit të Kosovës.

Agim Shkodra do t`i mungon qytetit të Gjilanit dhe hendbollit të Kosovës, i qoftë i lehtë dheu i Kosovës”, thuhet ndër të tjera në telegramin e z.Mexhit Devaja./rajonipress/