Këto janë temat nacionale në të cilat do të angazhohet AAK sipas Haradinaj
RajoniPress
11:57, 8 Tetor, 2019
Kryetari i AAK-së, Ramush Haradinaj ka thënë se partia që ai drejton do të jetë e angazhuar në tema konkrete nacionale.
Përmes një postimi në Facebook, Haradinaj ka përmendur një nga një temat për të cilat do të angazhohet partia e tij.
Ndër temat ai ka përmendur edhe dialogun me Serbinë ku ka thënë se do të ketë dialog pa kushte, taksa dhe reciprocitet deri në njohje, njohje reciproke në kufijtë ekzistues si dhe asociaion sipas Kushtetuës së Kosovës.
Postimi i plotë:
Aleanca për Ardhmërinë e Kosovës do të jetë e angazhuar në tema konkrete nacionale, të cilat janë interes i Shtetit. Ne do të angazhohemi në temat si më poshtë:
Politikë e Jashtme
• Forcimi dhe thellimi i marrëdhënieve me SHBA
• Anëtarësimi në organizata ndërkombëtare – NATO dhe OKB
• Statusi i kandidatit për BE
• Përmbyllja e Procesit të liberalizimit të vizave
Dialogu me Serbinë
• Dialogu pa kushte me Serbinë
• Taksa dhe reciprocitet deri në njohje
• Njohje reciproke në kufijtë ekzistues
• Asociacioni i Komunave me shumicë serbe sipas Kushtetutës së Kosovës
Politikat ekonomike
• Politika ekonomike aktive më pak tatim e më shumë punësim, rritje ekonomike të qëndrueshme deri më 8 %
• Rritje dhe stabilitet buxhetor
• Ulja reale e informalitetit dhe luftimi i evazionit fiskal
• Kosova e Re, investimi i Contour Global
• Investimet në Energji të ripërtëritshme, energjia me erë dhe solare
• Shtimi i subvencioneve në bujqësi
• Pagat 10% rritje çdo vit
• Implementimi i plotë i Zonave Ekonomike: Ajo Amerikane në Gjakovë dhe Gjermane në Prizren si dhe të gjitha zonat e tjera në tërë Kosovën
Sundimi i Ligjit dhe Siguri
• Buxhet shtesë për Ushtri, Polici, AKI, Prokurori, Gjyqësor, Doganë, Zjarrfikës – forcimi i shtetit ligjor
• Ligji për pensionim të parakohshëm për policë dhe Ligji për sigurim shëndetësor dhe jetësor për policë
Infrastrukturë dhe zhvillim rajonal
• Ligji për Mitrovicën
• Rruga Deçan – Plavë
• Rruga Prizren – Tetovë
• Ujëmbledhësit në Kosovë – Ujëmbledhësi i Lepencit
• Përfundimi i korrigjimit në drejtim të Çakorrit dhe Kullës në Bazë të Ligjit për Marrëveshjen
• Autostrada e Dukagjinit
Arsim dhe Politika sociale
• Reformat në Arsim me implementimin e Arsimit dual
• Realizimi i politikës për Shtesat e fëmijëve
• Aktivizimi i fondit për sigurime shëndetësore
• Rregullimi i pensioneve me ligj
RH
