Ylli i Kosovës e ka marrë ftesën, pritet të debutojë kundër Çekisë

Mesfushori i Hannoverit, Florent Muslija, në qershor vendosi zyrtarisht të përfaqësoj Kombëtaren e Kosovës.

Dokumentacioni i tij tashmë është kompletuar dhe ai është në dispozicion të trajnerit Bernard Challandes.

Burime të Indeksonline, bëjnë të ditur që Muslija ka marrë ftesë zyrtare dhe do të grumbullohet për herë të parë me Kosovën më 2 shtator.

Për shkak të mungesave të shumta që kanë “Dardanët”, trajneri Bernard Challandes pritet ta inkuadroj në lojë që në ndeshjen e parë kundër Çekisë që zhvillohet më 7 shtator. /Indeksonline/