Emery e pranon se Mustafi mund të largohet nga Arsenali

Shkodran Mustafi mund të largohet nga Arsenali gjatë këtij afati kalimtar veror.

Edhe pse dritarja e transferimeve në Angli është mbyllur, klubet angleze kanë ende të drejtë të shesin futbollistë.

I larguari i radhës nga Arsenali mund të jetë pikërisht mbrojtësi shqiptar Shkodran Mustafi.

Ka qenë vetë trajneri Unai Emery që e ka pranuar se Mustafi mund të largohet nga Emirates.

“Unë fola me Mustafin në përfundim të sezonit dhe kam biseduar edhe tani me të”.

“I kam thënë se ndoshta ekziston mundësia që ai të largohet dhe të shohim se çfarë do të ndodhë deri në fund”, deklaroi Emery.

Tekniku spanjoll tha se kanë nënshkruar me David Luiz me të vetmen arsyeje për të bërë konkurrencë në mbrojtje.

Mustafi është lidhur me një kalim tek skuadra e madhe franceze Monaco. /Telegrafi/