Talenti Dardan Zeqiri kërkohet nga shumë klube Kosovare

Talenti Gjilanas, 19 vjeqari Dardan Zeqiri i cili ka mbaruar të gjitha kategoritë në FC Drita, tani futbollist i lirë ka marrë shumë kërkesa nga shumë klube futbollistike të Kosovës.

Qendërsulmuesi i talentuar Zeqiri, ka bërë të ditur se nuk po i ngutet sa i përket ardhmërisë së tij me klubet nga Kosova.

“Janë disa klube që kanë shprehur interesim që të jem pjesë e tyre në edicionin e ri të garave, dy skuadra janë nga Superliga e Kosovës dhe tri të tjera nga Liga e Parë por gjerë më tani nuk ka asgjë zyrtare por vetëm bisedime, jam i përgatitur maksimalisht pasiqë në asnjë moment nuk i kam ndërprerë përgatitjet”, ka bërë të ditur 19 vjeqari.

Qendërsulmuesi korpulent 19 vjeçar ka theksuar se shumë shpejt do të bëhet e ditur skuadra e tij e re.

“Jam në bisedime edhe me një skuadër në Zvicër, menaxheri im është duke biseduar dhe po presim se çka do të ndodhë gjithçka është problematike te viza, ndërsa shpresoj se në qoftëse nuk arrijë t`i bashkëngjitëm futbollit Zviceran për shkak dokumentacionit atëherë skuadra ime e re do të qartësohet gjerë në fund të javës”.

Futbollisti Zeqiri ka një perspektiv të madhe futbollistike me talentin që ka dhe nga ky futbollist në të ardhmen pritet shumë./rajonipress/