Rashiti takohet me Izmi Zekën, flasin për ndërtimin e një qendre rinore

Gjilan – Nënkryetari për komunitete në Komunën e Kllokotit, Hasan Rashiti pati një takim pune më Zv. Ministrin për komunitete dhe kthim Izmi Zeka.

Temë e diskutimit në këtë takim ishte mundësia e ndihmës së një numri të qytetarëve në ndërtimin e shtëpive të banimit, për ato raste që janë në gjendje të vështirë socio-ekonomike. Njëkohësisht u bisedua për mundësinë e ndërtimit të një Qendre Rinore multifunksionale në fshatin Mogillë.

”Me zotin Zeka diskutuam shumë tema me interes për qytetarët e Komunës së Kllokotit. Sot dorëzova një kërkesë për mundësinë e ndihmës së një numri të qytetarëve për ndërtim të shtëpive dhe njëkohësisht e njoftova me gjendjen e përgjithshme në Komunë. Diskutuam edhe mundësinë që të ndërtojmë një Qendër Rinore multifunksionale në fshatin Mogillë ku Zëvendësministri me dha premtime se do angazhohet për këtë. Ishte kënaqësi e imja për pritjen qe më bëri dhe edhe njëherë e falënderoj për këtë” u shpreh Rashiti./rajonipress/