AGK-Mustafës: Kërko falje!

Me mbishkrime “Fol, mos u tut” kanë filluar protestën Asociacioni i Gazetarëve të Kosovës kundër kërcënimeve të fundit nga Qeveria e Republikës, respektivisht sjelljes së kryeministrit Isa Mustafa, shkruan Zeri.info.

Kryetari i AGK-së, Zekirija Shabani tha para të pranishmëve se kreu i Qeveris duhet të kërkoj falje publike për kërcënimin ndaj kolegut Kajtazi.

“Rritja e sulmeve dhe mosndëshkimi është cenim i fjalës së lirë. AGK kërkon nga kreu i Qeverisë të kërkoj falje publike për kërcënimin ndaj kolegut Vehbi Kajrazi. AGK kërkon nga organet e drejtësisë të ndërmerr hapa ndaj atyre që cenojnë të drejtën e lirë. “, tha ai

Ndërsa gazetari, Vehbi Kajtazi ka thënë se nuk ka asnjë dilemë se kryeministri me ka fyer.

“Për 48 orë kërcënuesi i Mustafës është arrestuar është dënuar dhe ju ka caktuar masa e paraburgimit. Kryeministrit Mustafa ia kam dëshmuar. Telefonata ka zgjatur 55 sekonda, por ai më është prezantuar si Isa Mustafa. Nuk ka asnjë dilemë se kryeministri më ka fyer. Po pres që Policia ta nxjerr incizimin, ka thënë Kajtazi./ZERI