Elhami Shabani sportist i vitit 2018/19 në Gjilan

Në mesin e shumë mysafireve të sportistëve, profesorëve, veteranëve e klubeve të ndryshme të qytetit të Gjilan, është mbajtur ceremonia e shpalljes së sportistit më të mirë për vitin 2018/19.

Epiteti i më të mirit i takuar me plot meritë karateistit të KK Drita, Elhami Shabani, kampion i shumëfishtë i shtetit të Kosovës.

I pranishëm në këtë ceremoni të shpalljes së më të mirëve ishte edhe kryetari i Komunës së Gjilanit, Lutfi Haziri, i cili në fjalimin e tij ndër të tjera ka theksuar.
“Të nderuar sportist, Gjilanin e keni kthyer në një vend të sportit duke filluar nga klubet e ndryshme dhe sporteve individuale. Ne jemi këtu për t’ju ndihmuar në rrugëtimin tuaj të sukseseve dhe mos harroni se ju jeni krenaria e qytetit”.

Ndërsa, sportisti më i mirë i shpallur karateisti Elhami Shabani ka deklaruar.
“Jam shumë i lumtur për këtë mirënjohje për mua dhe karrierën time do të thotë shumë që puna ime po vlerësohet nga njerëzit që mbajnë sportin gjallë, shpresoj se në të ardhmen do të arrijë rezultate edhe më kulminante”./rajonipress/