Edhe Artana dëmtohet nga vërshimet

Gjilan – Me marrjen e raporteve komuna do të përgatitë projektet për sanimin e të gjitha rrugëve lokale në të cilat është e nevojshme intervenimi dhe shpresojmë se gjatë këtij muaji do të jenë të sanuara për t`ju mundësuar të gjithë qytetarëve kushtet e lëvizjes dhe komunikimit ka thënë kreu i kësaj komune.

Kryetari i Komunës së Novobërdës z.Svetisllav Ivanoviq ka vizituar fshatrat Jasenovik dhe Carevc dhe me këtë rast ka biseduar me banorët e këtyre fshatrave.

Arsyeja e vizitës ishte infrastruktura rrugore e cila është në gjendje shumë të vështirë ku edhe duhet të bëhet sanimi në periudhë sa më të shkurtër.

Për shkak të të reshurave të mëdha ka ardhur deri te krijimi edhe i prockave të mëdha ku edhe ka krijuar rrëshqitje dhe kanë dëmtuar edhe infrastrukturën në të gjitha lagjet e fshatit Jasenovik të komunës së Novobërdës.

Ivanoviq menjëherë pas kësaj ka formuar komisionin përkatës i cili do të vlerësoj dëmet dhe gjendjen faktike në teren.

Koha ka vështirësuar edhe komunikimin dhe qarkullimin në të gjitha lagjet, ku për shkak të pasojave është vështirë të arrihet deri te ato.

Me marrjen e raporteve komuna do të përgatitë projektet për sanimin e të gjitha rrugëve lokale në të cilat është e nevojshme intervenimi dhe shpresojmë se gjatë këtij muaji do të jenë të sanuara për t`ju mundësuar të gjithë qytetarëve kushtet e lëvizjes dhe komunikimit ka thënë kreu i kësaj komune./rajonipress/