Derbi i “lavdisë” pa fitues

Derbi i 29-të, në mes Gjilanit e Dritës, e vlefshme për javën e 26-të në futbollin e Kosovës, i zhvilluar në stadiumin ,” Fadil Vokrri” në Prishtinë, është përmbyllur me rezultat të bardh 0-0.

Në shkallët e stadiumit “Fadil Vokrri” ishin rreth 8000 shikues në një atmosferë impozante të krijuar si gjithmonë nga tifozët “Skifterat” dhe “ Intelektualët “, bën të dëshmojnë se epitetin e tifozërisë në futbollin e Kosovës e mbajnë këto dy tifozëri.

Derbin e qytetit të Gjilanit nga afër nga shkallët e stadiumit e ka përcjellur edhe kryetari i Komunës së Gjilanit, Lutfi Haziri.

Gjatë 90 minutave nuk u tregua futboll i pëlqyer pa raste shënimi, ndërsa akteri kryesor i këtij derbi ishte arbitri, Dardan Qakaj , i cili i tregoi dy kartona të kuq.

Me karton të kuq së pari ndëshkohet Ansi Nika i Gjilanit pas një fërkimi me Lecin e Dritës në minutën e 16-të, ndërsa me karton të kuq ndëshkohet edhe Haxhineziraj në minutën e 45-të, pas ballafaqimit me Maganin e Gjilanit.

Ndeshja kryesisht u zhvillua në gjysmë fushë pa raste shënimi, në pjesën e pare gjysmë raste shënimi kishin Hajdari i Gjilanit dhe Xhevdet Shabani, por gjuajtjet e tyre përfunduan jashtë portës.

Në pjesën e dytë, Gjilani kryesisht u mbrojt në zonën e saj, rast të mirë për Dritën kishte Bujar Shabani në minutën e 83-të, i vetmuar gjuan mbi portën e Gjilanit.
Fatin e derbit ka mundur në fund të ndeshjes ta vulos Nwabueze i Dritës i cili ishte përball Haxhihamzës por ky i fundit shpëton rrjetën e tij.

Trajneri i Gjilanit Gentian Mezani pas ndeshjes ka deklaruar.
“Që nga fillimi i ardhjes time në Gjilan e kam kuptuar nga tifozëria “Skifterat” që kanë kërkuar
fitore në këtë derbi, të dy tifozërit meritojnë komplimente, jam i kënaqur me këtë pikë duke marrë parasysh rrjedhën e lojës ndërsa ne u paraqitëm mirë në fazën defanzive”.

Trajneri i Dritës, Ardian Nuhiu ka theksuar.
“Mendoj në pjesën e dytë e merituam fitoren, patëm qarkullimin më tepër por nuk arritëm të jemi të rrezikshëm, nuk shënuam dhe kjo ishte çështje fati”.

Në javën e 27-të, Gjilani është mysafirë i Llapit, ndërsa Drita është nikoqire e Drenicës./rajonipress/