Lenjani vazhdon shkëlqimin me Sionin, shënon gol pas 11 sekondave lojë dhe asiston tek goli i dytë
RajoniPress
20:37, 7 Prill, 2019
Anësori i Kombëtares së Shqipërisë, Ermir Lenjani ka vazhduar shkëlqimin me gola dhe asistime tek skuadra e tij zvicerane, Sioni.
Sioni ka barazuar në shtëpi me Luzrenin me rezultat 2-2 në ndeshjen e vlefshme për javën e 28-të në Superligën e Zvicrës.
Vendimtar në këtë barazim të vendasve ishte ylli i kombëtares shqiptare, Ermir Lenjani.
Lenjani arriti të shënoj golin e parë të ndeshjes dhe pastaj edhe të asistojë tek goli i dytë i ekipit të tij.
Anësori nga Kosova ka arritur të shënojë pas vetëm 11 sekondave lojë për epërsinë e Sionit 1-0 duke barazuar një rekord të mbajtur në futbollin zviceran.
Reprezentuesi i Shqipërisë ishte meriton edhe tek goli i barazimit 2-2 pasi në minutën e 64-të asistoi tek Roberts Uldrikis.
Tani Lenjani numëron gjashtë gola dhe gjashtë asistime deri më tani në Superligën e Zvicrës. /Telegrafi/
