Hoti fton edhe PAN’in në tryezën e LAA’së për zgjidhje

​Avdullah Hoti sërish ka deklaruar se duhet konsideruar dërgimin në Gjykatë Kushtetuese, për tu gjetur zgjidhje.
Sipas tij, më nuk duhet të thirret seance e re, pa u gjetur një zgjidhje. Ai ka ftuar të gjitha partitë, përfshirë edhe PAN’in, të ulen në një tryezë të përbashkët për të qartësuar situatën.

“Sot vendi përfundimisht po hyn në krizë të thellë institucionale”, tha përfaqësuesi i LAA’së.

“Mendoj se nuk duhet të thirret seancë e re pa u qartësuar mendimi kushtetues”, deklaroi ai.

Tutje, Hoti ka kritikuar koalicionin, se përkundër se ka angazhuar edhe njerëz tjerë jashtë Kuvendit për të bindur deputetët që të votojnë kandidatët e tyre.

Madje, ai i quajti matrapazë, ata që deri me tani në opinion publik janë quajtur si sekser.

“Janë angazhuar edhe disa matrapaz që punojnë për disa interesa të caktuar për të bindur disa deputetë për të votuar”, tha Hoti ndër tjera. /GazetaExpress/.