Reagon komuna, largon mbeturinat tek tregu

Gjilan – Pas publikimit të rajonipress dhe raportimit të qytetareve për gjendjen e rëndë me mbeturina në tregun e qytetit kanë reaguar organet komunale të cilat i kanë eliminuar të gjitha mbeturinat të cilat sipas Avdyl Jerliut përgjegjës i tregut mbeturinat ishin nga e premtja e jo disa javë siç kanë raportuar qytetarët.

Raportimi i Rajonipress-it për gjendjen e mjerueshme në tregun e qytetit ka ndikuar pozitivisht tek zyrtarët komunal të cilët sot i kanë larguar dhe e kanë pastruar tregun nga mbeturinat.

Avdyl Jerliu përgjegjës i tregut tha për rajonipress se mbeturinat ishin nga e premtja e jo disa javë siç kanë thënë banorët. “Për shkak të vapës së madhe tregtarët kanë pasur shumë prishje të mallit dhe e kanë hedhur në mbeturina dhe ne posedojmë fakturën e “Ecohigjienës” për largimin e mbeturinave ditën e premte” ka sqaruar Jerliu.

Jerliu tha se tani ka filluar edhe konstituimi i Bordit të Tregut dhe nuk do të përsëritet e njëjta situatë.

Ndryshe Rajonipress ka raportuar paradite për mbeturinat e shumta të cilat përmes fotove janë dërguar nga qytetarët përreth të cilët edhe janë ankuar për kundërmim e prishje të ambientit./rajonipress/