Kjo është skuadra e re e Armando Sadikut

Armando Sadiku do të jetë pjesë e Luganos për pjesën e mbetur të sezonit.

Sulmuesi i Kombëtares shqiptare, ka kaluar me sukses testet fizike, në praninë e mjekëve të klubit të tij, Levantes, dhe do të kalojë në formë huazimi tek ekipi zviceran deri në fund të sezonit, me të drejtën e blerjes së kartonit, transmeton Gazeta Olle.

Siç raporton portali “superdeporte.es” në Spanjë, po diskutohen edhe çështjet financiare për blerjen e kartonit, për të mbyllur të gjithë operacionin, shkruan “Panorama”.

Ky do të ishte rikthimi i tretë për Sadikun në Zvicër tek Lugano, pasi më herët ka qenë në vitet 2012-2014, si dhe në formën e huazimit nga Zyrihu, në vitin 2017.