Gjilani evropian ka këtë pamje?

Gjilan – Banorët tek zona e tregut kanë dërguar disa foto në adresë të portalit tonë ku shihet një pamje trishtuese. Ky nuk është Gjilani për të cilin synojnë zyrtarët komunale as qeverisja komunale. Kjo pasqyrë dhe këto foto tregojnë qartë papërgjegjësinë totale të atyre që duhet të kujdesen për ambientin.

Banorët tek tregu i qytetit janë tmerruar me këto pamje skandaloze. Ata thonë se komuna po tregohet e pavëmendshme karshi ambientit dhe ruajtjes së hapësirave publike. “Jemi të shokuar dhe jemi të trishtuar me këtë bërllok i cili po qëndron me javë të tëra” u shpreh një banor.

Ndërkaq Avdyl Jerliu i cili para pak ditësh ka marrë postin e përgjegjësit të tregut tha për rajonipress se sot gjatë ditës pritet të evitohet dhe të largohet aj kontingjent i mbeturinave./rajonipress/