Biqkaj: PDK do të qeverisë edhe për 4 vite me Kamenicën

Kamenicë – Zgjedhjet Lokale do të mbahen më 22 Tetor të këtij viti dhe Partia Demokratike e Kosovës Dega në Kamenicë është e përgatitur dhe mobilizuar për fitore dhe qeverisjen me Komunën edhe për këtë mandat që po hyjmë.

“Ne kemi bërë konsultimet e para me Kryesinë e Degës, kryetarët e nëndegëve dhe strukturat e degës për listën e delegatëve për Asamble Komunale që do të jetë një listë me kuadro të reja dhe profesionale që do të jetë edhe fituese, ne do të ruajmë numrin aktual të delegatëve në Kuvendin Komunal prej 9 anëtarëve, kurse sa i përket kandidatit për kryetar të Komunës mendoj se kandidat edhe për 4 vite do të duhet jetë kryetari aktual i Komunës e nënkryetar i Degës Begzad Sinani duke pas parasysh punën, dhe menaxhimin e bërë gjatë këtij mandati me komunën e Kamenicës, mirëpo është në dorën e kryetarit Veseli dhe strukturave të partisë vendimi për rikandidimin e tij që do të ndodh brenda këtyre dy javëve” tha zëdhënësi i Degës së Kamenicës Faton Biqkaj./rajonipress/