Riad Rashiti caktohet shef i shtabit zgjedhor të PDK-së

Gjilan – Partia Demokratike e Kosovës e ka marr seriozisht mesazhin përmes votës nga qytetarët e Gjilanit, të cilët në zgjedhjet nacionale nuk ishin të kënaqur me ofertën e koalicionit të PAN-it, si rezultat i kësaj, PDK në Gjilan tani është e përkushtuar maksimalisht që për zgjedhjet lokale të 22 tetorit, të përgatitet mirë dhe t`i ofrojë qytetarëve programin më të mirë qeverisës për katër vitet e ardhshme, kandidatin më të mirë për kryetar të Gjilanit dhe listën më të mirë për asambleist të Kuvendit Komunal. Dhe si rezultat i këtij qëllimi, dega e PDK-së në Gjilan ka zgjedhur për shef të shtabit zgjedhor Riad Rashitin.

PDK do të jetë alternativa e vetme serioze në zgjedhjet lokale, qytetarët e Gjilanit e din shumë mirë, se cili subjekt ka qeverisur më së miri me komunën e tyre që nga pas lufta e këndej. Të gjithë ata që duan ta dinë, e shohin dallimin në mes të mirës dhe të keqes, dikur kur komuna qeverisej mirë dhe zhvillohej nga PDK dhe nën udhëheqjen e ish-kryetarit të komunës Qemajl Mustafa, dhe tani kur skajshmërisht Gjilani po keq qeveriset nga LDK dhe nga Lutfi Haziri i cili aq keq e ka degraduar jetën institucionale dhe që e ka rrënuar plotësisht perspektiven e qytetarit të Gjilanit.

Në katër vitet e ardhshme, udhëheqja e komunës së Gjilanit nga PDK-ja është nevojë dhe domosdoshmëri për ta ri-kthyer gjendjen normale në funksionimin e institucioneve, ofrimin e shërbimeve më të mira, rritjen e investimeve serioze në projekte zhvillimore, ndaljen e korrupsionit të lartë që është instaluar në institucionet komunale, ndaljen e shkatërrimit të qytetit nga ndërtimet pa leje, ndaljen e rrënimit të fabrikave dhe shndërrimin e tyre në banesa kolektive, kthimin e oksigjenit në qytetin e Gjilanit që e ka shkatërruar gjelbërimin dhe nga ndotja e pashembullt që e ka krijuar qeverisja e LDK-së.

PDK e ka kandidatin fitues dhe më të mirë për kryetar të Gjilanit, e gjithashtu do të ketë listën më të mirë për asambleistë në zgjedhjet lokale të tetorit. Qytetarët e Gjilanit nuk kanë më shumë kohë për të humbur dhe për të dhënë besimin e tyre në adresa të gabuara, ata kësaj radhe do ta japin votën e tyre vetëm aty ku kanë siguri se nuk do ti keqpërdoret besimi i tyre ka thënë Riad Rashiti, shef i shtabit zgjedhor i degës së PDK-së Gjilan./rajonipress/