Gjilani dhe Vitia e ndërtojnë bashkërisht rrugën Ballancë – Kravaricë

Viti – Banorët e komunës së Vitisë dhe ata të Gjilanit së së shpejti mund të lidhën mes veti përmes një rrugë të re. Kjo rrugë pritet të ndërtohet si rezultat i një marrëveshje të bashkëpunimit që u nënshkrua sot në Viti, nga Kryetari i Komunë së Vitisë, Sokol Haliti dhe zv. Kryetari i Komunës së Gjilanit, Rexhep Kadriu. Sipas marrëveshjes në falë parashihet ndërtimi i një rruge me gjerësi prej 5 metrash përmes fshatrave Ballancë të Vitisë dhe Kravaricë të Gjilanit.

Kurse dy palët janë pajtuar se ndërtimi i kësaj rruge do të eliminoj problemet dhe vështirësitë që ka popullata lokale e kësaj treve për komunikim me qendrat komunale Viti dhe Gjilan dhe përmes saj pritet të bëhet lirimi i qarkullimit të dendur në komunikacion.

Kryetari Haliti dhe zv. Kryetari Kadriu u pajtuan se realizimi i këtij projekti infrastrukturor është në interes të dyja komunave. Ndërkaq në këtë takim ka marrë pjesë edhe zv. kryetari i komunës së Vitisë, Hasan Aliu./rajonipress/