Caktohet masa e paraburgimit ndaj të pandehurit Shemsedin Zumeri

Gjilan – Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej tridhjetë (30) ditëve të pandehurit Shemsedin Zumeri.

Me datë 24.11.2018, në ora 20:15, gjatë një kontrolli të Policisë së Kosovës të pandehurit në podrumin e shtëpisë janë gjetur në një çantë pesë paketime me substancë narkotike të llojit “heroinë”, në sasi prej 5.1 kg.

Me këto veprime, i pandehuri dyshohet se ka kryer veprën penale blerja, posedimi, shpërndarja dhe shitja e paautorizuar e narkotikëve, substancave psikotrope ose analoge.

Gjyqtari i procedurës paraprake, vlerësoi se janë përmbushur kushtet ligjore për caktimin e masës së paraburgimit për të pandehurin Shemsedin Zumeri, pasi që për këtë vepër parashihet një dënim mjaft i lartë dhe po që se i njëjti gjendet në liri, mund të arratiset për të i ikur përgjegjësisë.

Palët kanë të drejtën e ankesës ndaj këtij vendimi, në Gjykatën e Apelit./rajonipress/