Ja përse më shpesh duhet konsumuar dardhët
RajoniPress
23:54, 4 Tetor, 2018
Dardhët dikur ishin simbol i luksit. Pos se janë të shijshme, ofrojnë edhe shumë veti të dobishme për shëndetin.
PËRMIRËSOJNË TRETJEN Janë të pasura me fibra që përmirësojnë punën e zorrëve, e në mënyrë të shkëlqyeshme përshtaten edhe me gjellët e njelmëta.
MBROJNË ZEMRËN Konsiderohen si preventiv i mirë për luftën kundër diabetit, tipit 2. Krahas kësaj, e zvogëlojnë edhe nivelin e lartë të kolesterolit të keq, mbrojnë enët e gjakut dhe zemrën.
FORCOJNË IMUNITETIN Dardhët janë të pasura me vitamina B dhe C, janë burim i mirë për hekur, kalcium, kalium dhe bakër, si dhe zbutin inflamacionet në organizëm.
PARANDALOJNË PROBLEMET ME SHIKIMIN Dardhët zvogëlojnë rrezikun nga degjenerimet makulare, pra, karota nuk është fryti vetëm që mbron sytë.
NDIHMOJNË TE HUMBJA NË PESHË Në 100 gr dardhë gjenden 80 kalori. Edhe pse bëhet fjalë për pemë të ëmbël, konsumimi i dardhës ju preferohet edhe atyre që vuajnë nga diabeti, apo që duan ta ruajnë peshën.
(Kosova Sot)
