Forumi i Gruas së LDK-së në Viti mbështet fuqishëm kandidaturën e Sokol Halitit

Viti – Forumi i Gruas së LDK-së dega në Viti, mbështet fuqishëm kandidaturën e Degës së LDK-së për Kryetar Komune. E vlerësojmë lart propozimin e degës se LDK-se, që kryetari aktual Sokol Haliti të jetë kandidat për kryetar në zgjedhjet lokale.

Kryetari Haliti e ka mbështetjen e strukturave të LDK-se duke filluar nga nëndega e deri te kryesia qendrore, puna dhe përkushtimi në përmirësimin e jetës së qytetarëve të Vitisë gjatë këtij mandati e bënë të pa konkurrent Kryetarin Haliti.

Ne si forum i gruas i konsiderojmë me fat qytetaret e Komunës së Vitisë që me 22 tetor do të votojnë për Kryetarin me përformancën më të mirë në nivel Vendi, këtë e dëshmojnë edhe besueshmëria që kanë organizatat dhe numri i madh i donatorëve që kryetari Haliti i ka sjell në Viti.

Politikat gjinore as një herë më parë nuk janë mbështet më shumë se gjatë këtij mandati si : punësimi, subvencionimi, organizimi i shoqatave te grave, të drejtat pronësore e shumë projekte të tjera për gratë, andaj Gratë kanë arsye më shumë për ta mbështet kryetarin Haliti thuhet në njoftimin e Fatbardha Eminit./rajonipress/