Ah Tugjec, more Tugjec

Teksti, muzika dhe interpretimi : Demir Krasniqi

N’ ato kodra , o , të Gollakut –
Shtrihet fshati , o , i merakut !
Me natyrë , o, plot bukuri ,
Me banorë , o, plot bujari !
Refreni :
Çelin lulet , vjollcat dhe zambaku –
S’ ka malësi ma t’ bukur se Gollaku !
Këndojnë dallëndyshet , po këndon turreci –
Nuk ka ma të bukur fshat se sa Tugjeci !
Ah, Tugjec, ah, Tugjec –
Shoqi yt kund nuk tu gjet !
Hem mikpritës , hem bujar ,
Atdhetar e luftëtar !…

Fshat i bukur , o, n’ ato male –
Ishte qendër , o, komunale !
Kishte Kullën, o, kishte Hanin ,
Malësorët , o, tregti ku banin !
Refreni :
Çelin lulet , vjollcat dhe zambaku …etj.

Në Tugjec , qendra komunale –
Ma vonë mbeti Bashkësi Lokale !
Kishte Zyrën me Ofiqar ,
Kish dyqanin me farkëtar !…
Refreni :
Çelin lulet , vjollcat dhe zambaku …etj.

Si bylbylat , o, përmbi plep –
Shkonin t’ rinjtë , o, në mejtep !
Për namazet , o, e xhamisë –
Vinin burrat e mbarë malësisë !
Refreni :
Çelin lulet , vjollcat dhe zambaku …etj.

Fill pas Luftës së Dytë Botërore –
N’ Tugjec u hap shkolla fillore !
N’ fillim ishte 4 – vjeçare ,
Më vonë u bë 8 – vjeçare !…
Refreni :
Çelin lulet , vjollcat dhe zambaku …etj.

Nga shumë fshatra t’ kësaj malësie –
Vinin t’ rinjtë për të marrë dije !
N’ borë e n’ shi , more , ec e ec –
Me gëzim t’ madh vinin në Tugjec !
Refreni :
Çelin lulet , vjollcat dhe zambaku …etj.

Gjilan, më 02.09.2018.

Demir Krasniqi