Gjimshiti zbulon objektivin e sezonit te Atalanta

Berat Gjimshiti e fillon si titullar sezonin e ri në Serie A.

Në futboll, për të ecur përpara, ndonjëherë nuk mjafton vetëm puna, duhet të kapësh momentin, të shfrytëzosh në maksimum mundësitë që të jepen. Shembulli më i freskët është ai i Berat Gjimshitit, futbollistit të Kombëtares Shqiptare që deri pak ditë më parë ishte thuajse i ikur nga Atalanta, ndërsa të hënën në mbrëmje debutoi si titullar me bergamaskët në fitoren 4-0 me Frosinonen. Luajti për 90 minuta titullar, duke fituar besimin e trajnerit Gasperini.

“Ishin mundësitë për të ikur, por me menaxherin tim dhe drejtuesit i vlerësuam gjërat me qetësi dhe vendosa të qëndroj tek Atalanta. Në dy vitet e huazimit jam rritur shumë, por ky vit mund të jetë vendimtar për mua. Me Gasperinin mund të bëj hapin e cilësor. Kam qëndruar në ekip sepse dua të tregoj vlerat e mira.”

Pas takimit, shtatlarti shqiptar i vë notën 10 skuadrës së tij.

“Ishte një paraqitje që meritonte notën 10. E nisëm shumë mirë kampionatin, nuk pësuam gol dhe kjo ishte shumë e rëndësishme për ne. Nuk ka ndeshje të lehta. Frosinone ishte me shumë emra të rinj në skuadër, por me përvojë të madhe në Serinë A. Në rastin e parë që patën goditën shtyllën, më pas e morëm lojën në kontroll.

Nga suksesi me Frosinonen, të përballja e parë me Copenagenin në play off të Europa League-s, që do të zhvillohet të enjten. Gjimshiti e ka të qartë se kualifikimi do të varet nga rezultati i takimin të shtëpisë.

Ndeshja me Copenhagenin? Kjo fitore na jep shumë besim, krijuam shumë raste dhe mund ta mbyllnim më thellë se 4-0. Do të përballemi me një krejt tjetër dhe do të tentojmë të fitojmë në “Mapei Stadium”, sepse në Danimarkë do ta kemi shumë të vështirë. Po punojmë me shumë besim.”