Mavraj drejt transferimit te Trabzonspori në Turqi

Mërgim Mavraj duket se po kalon ditët e tij të fundit si futbollist i Hamburgut.

Për qendërmbrojtësin periudha e fundit te Hamburgu nuk ka qenë më e mira e mundshme.

Mavraj nuk ka luajtur në ndeshjet e fundit në kampionatin gjerman pasi ishte pezulluar nga Hamburgu.

Por pas rënies në Bundesliga 2, ai ka bërë të qartë se dëshiron të largohet.

E ardhmja e mbrojtësit shqiptar pritet të jetë në kampionatin turk.

Është skuadra e Trabzonspor që ka shprehur interesim për transferimin e Mavrajt.

Sipas medieve gjermane klubi turk ka nisur disa kontakte me agjentin e lojtarit për ta bindur të transferohet në futbollin turk.

Ndërsa besohet se për Hamburgun do të shkojnë rreth një milion euro dëmshpërblim.

(Kosova Sot)