Timoni i Ramës funksionoi, motori i Bashës nuk ndezi

Ish-ambasadori i Shqipërisë në Kosovë, Islam Lauka, ka komentuar procesin e zgjedhjeve në Shqipëri, fitoren e Partisë Socialiste (PS) dhe humbjen e Partisë Demokratike (PD).

Lauka në këtë intervistë dhënë për gazetën “Epoka e re” ka theksuar se organizimi i mirë i PS-së në bazë dhe në qendër, si dhe fushata e Edi Ramës ka ndikuar në fitoren e thellë të së majtës në zgjedhjet e 25 qershorit.

Ai ka thënë se “spastrimi” i bazës së vjetër i kushtoi PD-së me humbje të thellë. Për këtë humbje të së djathtës shqiptare, Lauka ka bërë përgjegjës drejtpërdrejt kreun e PD-së, Lulzim Basha.

Ai ka kërkuar nga Basha ta japë dorëheqjen nga funksioni i kryetarit të PD-së dhe t’ua hapë rrugën të tjerëve për të konkurruar për këtë post.

Ish-ambasadori Lauka ka thënë se zgjedhjet e së dielës ishin të qeta, të lira dhe demokratike.