BIK-u shtron iftar për shoqatat e dalura nga lufta e UÇK-së

Gjilan – Në ambientet e restorantit të Medresesë së Mesme “Alaudin” paralelja në Gjilan, Këshilli i Bashkësisë Islame në Gjilan ka shtruar iftar për veteranët dhe invalidët e luftës së Ushtrisë çlirimtare të Kosovës ku ishin mbi 80 persona.

Naim Aliu, kryetar i KBI në Gjilan theksoi kontributin e secilit pjesëmarrës së luftën e fundit, andaj edhe “jeni ndër mysafirët më të veçantë që në kemi pasur këtyre ditëve gjatë aktiviteteve tona për nder të muajit të madhërishëm të ramazanit”.

Në emër të veteranëve Shaqir Shaqiri falënderoi Këshillin e BI për iftarin e shtruar dhe njëkohësisht falënderoi edhe aktivitetet e ndryshme që bashkësia islame ka bërë në vazhdimësi për qytetarët e komunës së Gjilanit. /rajonipress/