Islami: Mund të ketë trazira nëse presidenti nuk vendos me maturi

Profesori universitar Avni Islami thotë se situata e krijuar pas këtyre zgjedhjeve tregon se asnjë subjekt nuk mund ta formojë Qeverinë si e vetme.

‘Pra koalicioni PAN e ka të pamundshme ta krijojë Qeverinë pa LDK-në me aleatë dhe VV-në, e në këtë rast nëse vjen deri tek komplikimi dhe nëse tentohet të shkohet në zgjedhje”, ka thënë Islami për “Zeri.info”.

Islami thotë se gjërat edhe mund të komplikohen nëse presidenti i vendit nuk vendos me maturi.

“Nëse Thaçi nuk ia jep mandatin VV-së për mandatar mund të vijë deri tek trazirat dhe kjo do ta çonte vendin në kaos, por duhet të presim që fituesi i zgjedhjeve ta formojë Qeverinë, e nëse nuk i ka votat duhet t’i kalohet të dytit menjëherë dhe të mos komplikohet situata”, thotë ai për gazetën Zëri.