Admir Mehmedi pranë kalimit tek Nice, bashkëlojtar me Mario Balotellin

Admir Mehmedi pritet të bëhet shumë shpejtë me skuadër të re.

Sulmuesi shqiptar i Zvicrës është pranë marrëveshjes me francezët e OFC Nice, shkruan “Corriere dello Sport”, raporton “GazetaOlle.com”.

Lojtari do të kalojë në formë huazimi nga Bayer Leverkusen.Mehmedi në vitin 2015 kaloi në Leverkusen nga Freiburgu për tetë milionë euro.

Ai ka kontratë me gjermanët deri në vitin 2019.

Tek Nice, Mehmedi do ta gjejë Mario Balotellin, të cilin njëherit do ta ketë konkurrent për një pozitë titullari në fazën e sulmit.