Vetëvendosja! mund ta prekë pushtetin me ndihmën e LDK-së
RajoniPress
08:42, 8 Qershor, 2017
Kandidati për deputet i Lidhjes Demokratike të Kosovës (LDK), Ramiz Kelmendi, duke iu kundërpërgjigjur deklarimit të Albin Kurtit, se LDK-ja është në garë për vendin e tretë, ka thënë se Kurti do të duhej të mendonte më shumë në aspektin e ndërrimit të konceptit politik, pasi e ka ndryshe në raport me Kushtetutën e Kosovës.
Në këtë intervistë dhënë për gazetën “Epoka e re”, Kelmendi e ka ftuar Lëvizjen Vetëvendosje! të bëhet pjesë e qeverisë së ardhshme të LDK-së, përndryshe nuk do të mund ta prekë pushtetin.
Ai beson se LDK-AKR-Alternativa do të dalë fituese në zgjedhjet e 11 qershorit. Kjo fitore thotë se po vërtetohet edhe në bazë të sondazheve që po dalin.
