Qemajl Mustafa ka një porosi, pas selameve të haxhi Lutës

Gjilan – Qemajl Mustafa ish kryetar i Gjilanit nuk ka qëndruar indiferent karshi akuzave publike që ka bërë Lutfi Haziri në adresë të tij dhe të akuzuarve të tjerë. Qemajl Mustafa i cili gjithmonë tregohet transparent dhe i guximshëm në qëndrime thotë se Lutfi Haziri është njeri i llafeve të mëdha dhe punëve të vogla.

Reagimi i plotë i Qemajl Mustafës.

Zonja Lunaçek po e kërkon “kokën” tënde Lutë, jo timen.
Nga një tubim zgjedhor Luta i llafeve të mëdha e i punëve të vogla i paska que selam degës së PDK në Gjilan me këto fjale:
“Ata që merren me zyrën e prokurimit në Gjilan, unë po ju them qysh keni fytyrë me lypë votë kur 40 veta i keni të akuzuar për krim të organizuar e korrupsion, në krye me ish-kryetarin e Komunës?!”

E unë ish kryetari po i shtoj vetëm pak fjalë;
E din mirë Luta pse jam pikërisht unë i akuzuar me ata 38 të tjerët. Jam unë sepse ende nuk është akuzuar Luta dhe klani i tij i mega krimit në Kosovë.

Në fakt, ky mega krim që e ka sjelle Kosovën në gjendjen çfarë është sot, neve na e ka formulue akuzën amatoreske e cila nuk po ju rrinë në këmbë sepse është e bazuar në rrena, insinuata e shpifje.

Nga një intervistë e zonjës Lunaçek për Dojche Ëelle me 2 Qershor unë e shkëputa një pjesë të përgjigjes në pyetjen për kushtet për liberalizim. Siç po e shihni të nderuar, kjo zonjë po i kërkon “kokat” e mëdha para drejtësisë e jo viktimat e sistemit të drejtësisë të kapur nga Luta e klani i tij. Pra, Lunaçek po e kërkon pikërisht “kokën” e Lutës dhe të familjes së tij politike kriminale e cila ka metastazue dhe ka shtrirje në gjithë spektrin politik të Kosovës. Ku më shumë e ku më pak.

“Dy kushtet janë: ratifikimi i marrëveshjes për demarkacionin e kufirit mes Kosovës dhe Malit të Zi. Me ratifikimin e kësaj marrëveshjeje për demarkacionin e kufirit kanë rënë dakord dhe e kanë nënshkruar kryeministri dhe përfaqësuesit e LDK dhe PDK, në Vjenë më 25 gusht 2015. Kushti tjetër është dënimi i personave me funksione të larta të përfshirë në krimin e organizuar dhe korrupsionin. Pra nuk mjafton vetëm hapja e proceseve, por kërkohet edhe dënimi i tyre”.
Pra, kur shkon Luta, çkapet dhe nis çlirimi i shtetit dhe kjo ka me ndodhë patjetër. Të shpresojmë shpejtë ka shkruar Qemajl Mustafa./rajonipress/