Pacolli, lideri i vetëm i lidhur shpirtërisht me Gjilanin dhe Anamoravën

Gjilan – Behgjet Pacolli pothuajse është lideri i vetëm kosovar që Gjilanin e njeh dhe e din mirë si merr frymë. Pak gjilanas e kuptojnë se Pacolli karrierën e tij e nisi pikërisht në Gjilan dhe kjo është arsyeja që ai mund të flas me orë të tërë për ish fabrikën e Tekstilit “Integj”, për ish fabrikën e duhanit, ish fabrikën “Morava e Binqës” dhe shumë zhvillime tjera që lidhen me Gjilanin. Behgjet Pacolli është i lidhur shpirtërisht me Gjilanin dhe e meriton një përkrahje maksimale thotë Demir Behluli krijues i madh në Gjilan e Anamoravë.

Behgjet Pacolli më mirë se çdo lider tjetër kosovar e ka të njohur rritën dhe zhvillimin e Gjilanit. Hapat e parë në karrierën e tij prej profesionisti ose punëtori zyrtar i ka nisur në Gjilan.

Demir Behluli një krijues dhe mik i Behgjet Pacollit me të cilin ka punuar në fabrikën “Integj”, kujton qaste e momente interesante nga karriera e Pacollit. “Ai ka shumë arsye që flet për Gjilanin sepse është i lidhur shpirtërisht me këtë qytet, me rritën e tij. E din frymë si merr Gjilani, i ka prekur e përjetuar zhvillimet dhe hovin e madh të asaj kohe për Gjilanin. Andaj para qytetarëve flet me aq pasion e dashuri për Gjilanin” shprehet Demir Behluli.

Madje për Demir Behlulin, Behgjet Pacolli më shumë se askush tjetër ka të drejt të flas të interesohet e të punojë për Gjilanin. “I shoh njerëzit teksa befasohen kur Behgjeti flet me emra e me shifra për Gjilanin e Anamoravën dhe pothuajse nuk ka tubim ku nuk ka njerëz e të afërm me të cilët ka punuar. Është tip i thjesht dhe një personalitet që ka dashuri për Anamoravën” shprehet Behluli.

Behgjet Pacolli tashmë është shndërruar në një lider në Anamoravë dhe një mbrojtës e përkrahës i madh i zhvillimit të kësaj pjese. Shumë qytetar kanë dëshirë ta shohin Pacollin në krye të shtetit të Kosovës. “Asnjë dëm nuk i ka bërë këtij vendi, përkundrazi vetëm dobi e të mira materiale i ka sjellur Kosovës. Po të ishin të tjerët ose shtetet fqinje personalitetin e Behgjet Pacollit do ta nderonin me epitetin e më të mirit. E ne shpejt i harrojmë njerëzit e suksesshëm, po jam i sigurt se tashmë koha e Behgjet Pacollit ka ardhur dhe qytetarët po e ndjenjë ardhjen e tij thotë në fund Demir Behluli.

Ndryshe Behgjet Pacolli të mërkurën do të jetë sërish në Gjilan në palestrën e sporteve ku do të mbajë tubimin me qytetar duke filluar nga ora 16 e 30 në sallën e sporteve “Bashkim Selishta./rajonipress/