Hoxha: Hahn ka porositur që Demarkacioni të ratifikohet para zgjedhjeve në BE

Ministrja e Integrimeve Evropiane, Dhurata Hoxha ka thënë se komisioneri për zgjerim i Bashkimit Evropian, Johannes Hahn gjatë takimit në Bruksel në muajin e shkuar e ka pyetur për Demarkacionin me Malin e Zi dhe ka kërkuar që të rritet presioni nga qytetarët ndaj opozitës dhe të tjerëve për ratifikimin e kësaj marrëveshjeje.

Këto komente ajo i bëri gjatë raportimit në komisionin për Integrime Evropiane lidhur me përmbushjen e obligimeve në kuadër të agjendës evropiane, njofton Klan Kosova.

Ajo para këtij komisioni ka paraqitur edhe një listë të të dënuarve apo edhe rasteve ligjore që janë duke vazhduar në ato që duhet të shfaqet në BE si zbatim të kushtit për heqjen e vizave pra luftimin e krimit të organizuar dhe krimit.